ISO 22000 стандарт шинэчлэгдэх шатандаа орлоо: Хүнсний байгууллагууд юунд анхаарах вэ?
ISO 22000:2018 стандартын шинэчилсэн хувилбар олон улсын DIS буюу Draft International Standard шатанд байна. Хүнсний үйлдвэрлэл, ресторан, катеринг болон нийлүүлэлтийн сүлжээний байгууллагууд юунд бэлдэх талаар танилцуулъя.
ISO 22000:2018 буюу хүнсний аюулгүй байдлын менежментийн тогтолцооны стандартыг шинэчлэх ажил олон улсын DIS буюу Draft International Standard шатанд үргэлжилж байна. Энэ нь шинэ стандарт эцэслэн хэвлэгдсэн гэсэн үг биш бөгөөд техникийн төсөл, саналын шатанд байгааг анхаарах нь зүйтэй.
ISO 22000 стандарт нь хүнсний сүлжээнд оролцож буй бүх төрлийн байгууллагад — хүнсний үйлдвэр, ресторан, катеринг, агуулах, тээвэр, сав баглаа боодол, нийлүүлэгч болон худалдааны байгууллагад — хүнсний аюулгүй байдлын эрсдэлийг системтэй удирдахад ашиглагддаг.
Шинэчлэлийн явцад байгууллагуудын анхаарах үндсэн чиглэлүүд:
- HACCP зарчим болон аюулын шинжилгээг бодит процесс, бүтээгдэхүүнтэй уялдуулах
- Урьдчилсан нөхцөлт хөтөлбөрүүдийн хэрэгжилтийг баримтаар нотлох
- Нийлүүлэлтийн сүлжээний эрсдэл, нийлүүлэгчийн хяналтыг сайжруулах
- Эрсдэлийн үнэлгээ, хяналтын арга хэмжээг тогтмол шинэчлэх
- Яаралтай нөхцөл, буцаалт, мөрдөн мөшгөх тогтолцоог турших
- Дотоод аудит болон удирдлагын дүн шинжилгээг үр дүнд суурилуулах
Хүнсний байгууллагууд шинэ хувилбар эцэслэн гарахыг хүлээлгүйгээр одоо байгаа хүнсний аюулгүй байдлын тогтолцоогоо үнэлж болно. Үүнд түүхий эдийн хүлээн авалт, хадгалалт, температурын хяналт, цэвэрлэгээ, ажилтны эрүүл ахуй, харшил үүсгэгчийн удирдлага, шошгололт, нийлүүлэгчийн үнэлгээ зэрэг процессууд багтана.
ISO 22000-ийн шилжилтэд бэлтгэх эхний алхам:
- Одоогийн ISO 22000:2018 тогтолцоонд gap analysis хийх.
- Үйлдвэрлэл, хоол үйлдвэрлэл болон үйлчилгээний бүх процессын аюулыг дахин үнэлэх.
- HACCP төлөвлөгөө, хяналтын цэгүүдийн нотолгоог шалгах.
- Нийлүүлэгч болон түүхий эдийн эрсдэлийн үнэлгээг шинэчлэх.
- Буцаалт, гомдол, үл тохирол, залруулах арга хэмжээний бүртгэлийг сайжруулах.
- Дотоод аудитын хөтөлбөрийг эрсдэлд суурилсан байдлаар шинэчлэх.
Шинэчилсэн ISO 22000-ийн эцсийн хувилбар хараахан нийтлэгдээгүй тул байгууллагууд төсөлд үндэслэн албан ёсны гэрчилгээний шаардлага тогтоохоос зайлсхийх хэрэгтэй. Харин одоо байгаа тогтолцооны үр дүн, бодит хэрэгжилт, хүнсний аюулгүй байдлын соёлыг сайжруулахад анхаарах нь хамгийн зөв алхам юм.
Эх сурвалж: ISO Update, June 2026 — ISO/DIS 22000 Food safety management systems — Requirements: https://www.iso.org/files/live/sites/isoorg/files/news/magazine/ISOupdate/EN/2026/iso_update_202606_en.pdf